كتبت / أسماء مندور
صعبان عليا حِلمهم
وأنا شايفاه بيتكسر ..
شبابك وبناتك
ورا القضبان بتتدهور..
يعنى إيه ولادك بتدمر
عشان صوتهم حر
ولا عشان الفكر مِتنور ..
لو شايفاهم مش قَدك
خُديهم إنتِ فى حضنك
إنت الأم إنت الأكبر ..
بلاش تعاقبيهم.. بلاش تجلديهم..
دول فى عشقك تاهوا وضاعوا
الله أكبر عليهم… شبابك ورد
متنور..
رعيهم ..بلاش بالشوك تقابليهم ..
دول أحبابك مش عدوينك..
دول ولادك طَرحك وفَرحك ..
دول حته منك.. يا بلدى طبطبى
ولمى، لملمى ولادك وحنى ..
دا طبع الأم حنية وانت ليه
قاسية عليهم.. روحهم دى فدا
تُرابك… بس إنت شاورى وناديهم
…………
مش عوزاكى يوم تندمى على
فرحه غابت مع ولادك
إديهم فرصه و إسمعيهم…
إفهميهم.. دُول هيكونوا
سبب رجوع شَبابك من بعد
شِيبك
عواجيزك ناهبينك وشبابك دُول
خيرك..
شبابك مقهور ومغمور
نفسه يدوق عَسلك وشَهدك ..
هما شمسك ونور نهارك
ليهم عليكى حق وهما اولى
لحضنك.. رجعيهم.. على إديهم
هتبقى جَنة.. دا مفيش طَرح ولا
ولا فَرح غير بِيهُم
